“Манчестер Сити” ашаддий рақиб юлдузини оладиган бўлди

Англия Премьер-лигасида тўрт мавсумдан бери чемпионликни ҳеч кимга бермай келаётган “Манчестер Сити” таркибини янада кучайтирадиган бўлди.

Жамоа бош мураббийи Хосеп Гвардиола ўз шогирдлари орасида ашаддий рақиб – “Ливерпуль”нинг қанот ҳужумчиси Луис Диасни кўрмоқчи.

Маълумотларга қараганда, “шаҳарликлар” 27 ёшли футболчининг ўзи билан шахсий шартнома бўйича келишувга эришиб бўлгае.

El Chiringuito нашри томонлар беш йиллик шартнома бўйича ҳамкорлик қиладиган бўлганини ёзди.

Энди чемпион жамоа футболчига эгалик қилувчи “Ливерпуль”ни трансферга кўндириши керак. Колумбиялик ҳужумкор ўйинчи учун манчестерликлар 70 миллион евро харажат қилишга тайёр.