Шон Стриклендга кучли жангчи "вызов" ташлади

Ўрта вазн тоифасида UFC собиқ чемпиони Роберт Уиттакер (26-8) америкалик Шон Стрикленд(29-7)га қарши жанг ўтказмоқчилигини айтди.

"Стрикленд билан жангимиз мантиқий жиҳатдан жуда тўғри. Биз узоқ вақтдан бери дивизионнинг юқори қаторларидамиз. Бироқ турли сабабларга кўра, ҳанузгача октагонда учрашмаганмиз. Ҳозир эса бунинг айни фурсати. Мен Шон билан жанг қилишни хоҳлайман" - деди австралиялик ММА устаси.

Эслатиб ўтамиз, "UFC 308" турниридаги сўнгги жангида Уиттакер Хамзат Чимаевдан 1-раунддаёқ мағлуб бўлган. Стрикленд эса "UFC 312" да амалдаги чемпион Дрикус дю Плессига қарши реваншда ютқазиб қўйди.