Зарруҳ Адашев UFCда илк ғалабасини қўлга киритди

Айни вақтда АҚШнинг Невада штатида UFC Vegas 33 турнири давом этмоқда. Биз учун аҳамиятли жиҳати мазкур жанг кечасида энг ҳамюртимиз Зарруҳ Адашев ҳам ўз жангини ўтказди. У америкалик Райан Бенуага қарши октагонга кўтарилди.

Қувонарлиси бутун жанг давомида рақибига нисбатан яхши ва ажойиб тарзда ҳаракат қилган юртдошимиз жаҳоннинг энг нуфузли промоушенида илк ғалабасини қўлга киритди. Яъни, 30:27, 30:27, 29:28 ҳисобида Адашев рақибидан устун келди. 

Шу тариқа ҳамюртимизнинг рекорди 4-3 уринишга келди. Унинг UFCдаги аввалги икки чиқиши муваффақиятсиз якунланганди. 

Шу ўринда мазкур муваффақият билан ҳамюртимизни муборакбод этамиз.