Ясмина Каримжонова ҳамда Милана Масленкова чорак финалда

Фарғона шаҳрида қизлар ўртасида ўтаётган "Fergana Open" турнирида ёш теннисчиларимиз Ясмина Каримжонова ҳамда Милана Масленкова чорак финалга чиқди.

Мусобақанинг иккинчи даврасида Милана россиялик Анастасия Золотаревани 6:2, 6:1, Ясмина эса туркиялик Дога Туркменни 6:1, 5:7, 7:5 ҳисобида мағлубиятга учратди.

Энди Ясмина чорак финалда яна бир рус теннисчиси Алина Лебедева билан, Милана эса қозоғистонлик Екатерина Дмитриченко билан баҳслашади.