"Барса" қачон Месси билан музокараларга киришиши маълум бўлди

"Барселона" шу ҳафтада Лионель Месси билан музокараларни бошлайди. Бу ҳақда журналист Вероника Брунати ижтимоий тармоқларда маълум қилди.

Қайд этилишича, 35 ёшли ҳужумчи ПСЖ билан шартномани узайтирмайди. Шу тариқа, аргентиналик юлдуз "Камп Ноу"га эркин агент сифатида қайтади.

Аввалроқ матбуотда "Барселона" Месси билан янги шартномани молиялаштириш учун ҳомий қидираётгани ҳақида маълумотлар тарқалган эди. Каталония клуби ҳали ҳам молиявий қийинчиликларни бошдан кечирмоқда.

Эслатиб ўтамиз, Месси "кўк-анорранглилар"ни 2021 йилда тарк этганди.