Жалолиддин Машарипов: Мақсад - бутун Ўзбекистонни хурсанд қилиш

Хабарингиз бор, Ўзбекистон миллий терма жамоамиз Жаҳон чемпионатининг саралашида Бирлашган Араб Амирлиги билан куч синашади.

Ушбу беллашувдан аввал матбуот анжуманида терма жамоамиз етакчиси Жалолиддин Машарипов бўлажак беллашувдан аввал ўз фикрлари билан ўртоқлашди.

— Ҳаётимда биринчи бор бунақа этапга етиб келдик. Эртага тарих яратишимиз керак ва эртага ўзбекларни куни бўлиши керак. Барча учун қўлдан келганча, катта байрам қилиб беришга ҳаракат қиламиз. Бу ергача келганимиз бекорга эмас. Вақти келди ва биз Жаҳон чемпионатига боришимиз керак. 

Эртага ўзимизни оқлашга ҳаққимиз йўқ. Шу пайтгача оқлаб келдик. Мақсад - бутун Ўзбекистонни хурсанд қилиш.

Кайфиятни кўтариш ҳақида:

— Кайфиятни кўтариш учун қўшиқ эшитамиз. Ўйин ҳақида ўйлашимиз керак, лекин ошириб юбормаслик шарт. Ўйлашимча, бу бизга ортиқча босиб бўлиши мумкин. Шунинг учун кайфиятни кўтариб, майдонга чиқиб, доимо қилаётган ишимизни қилишимиз керак.

Биз майдонда бир-биримизни яхши тушунамиз. Ҳаммамиз ўзимиздан келиб чиқиб меҳнат қилсак мақсадимизга эришамиз. Қандай қўшиқ эшитимизга тўхталсак, албатта ўзбекча қўшиқ эшитамиз.