Сатпаев “Челси”дан кетганидан кейин нималар деди?

“Челси”нинг 18 ёшли қозоғистонлик ҳужумчиси Дастан Сатпаев 2026/2027 йилги мавсум охиригача ижара асосида “Бёрнли”га ўтди. “Аристократлар” сафини вақтинча тарк этган футболчи трансфердан  кейин фикр билдирди.

- Бу ерда бўлганимдан жуда хурсандман. Бу менинг фаолиятим учун ажойиб имконият ва нималарга қодир эканимни кўрсатиш, шунингдек, жамоага ўзига муносиб бўлган жойга қайтишига ёрдам бериш учун ажойиб клуб.

Мен Англияда илк бор тўп тепяпман ва энди янги саҳифани бошлашга ҳамда “Бёрнли” билан муваффақиятга эришишга тайёрман,  - дея Сатпаевнинг сўзларини клуб расмий сайти келтиради.

“Бёрнли” 2025/2026 йилги Англия Премьер-лигаси мавсуни якунларига кўра, турнир жадвалида 19-ўринни эгаллаб, Англия чемпионатининг олий дивизионидан тушиб кетди.

Аввал “Қайрат” сафида тўп тепган Сатпаев бу ёзда “Челси”га келиб қўшилди. Transfermarkt портали маълумотларига кўра, футболчининг трансфер қиймати 3,5 миллион еврони ташкил этади.