Kevin-Prins Boatengni transferi uning ayoliga bog‘liq

"Sassuolo" klubi yarim ximoyachisi Kevin-Prins Boateng faoliyatini "Ayntraxt" klubida davom ettirishi mumkin.

Ganalik futbolchining transferi nemislarga 1 mln evroga tushishi kutilmoqda. Ammo, Transferning taqdiri 32 yoshli futbolchining ayoli Melissa Sattaga bog‘liq. Sababi, Boateng "Barsa"da o‘ynaganida ular alohida yashashdi. Satta Kataloniyaga bormagan. U Milanda qolgan.

Hozirda er-hotin yana birga yashashni istashmoqda. Futbolchining ayoli Frankfurtda yashashga qarshi emas. Afrikalik futbolchi 2017/18 yilgi mavsumda "Ayntraxt" klubida o‘ynagan. Shunda, uning ayoliga shaxar ma’qul kelgan edi.

Boateng o‘tgan mavsumning ikkinchi yarmini "Barselona"da ijara asosida o‘tkazdi. Biroq, "Barsa" futbolchini sotib olishni istamadi.

Yarim ximoyachining "Sassuolo" bilan shartnomasi 2021 yil yoziga qadar amal qiladi.

Manba: Bild