Муҳаммад Мокаев UFC ни жангчиларга босим ўтказишда айблади

UFC собиқ жангчиси Муҳаммад Мокаев промоушен сиёсатини танқид қилди. Унинг фикрича, раҳбариятнинг жанг услубига аралашиши спортчиларга босим ўтказиш билан тенг.

"Раҳбарлар жангчиларга қўнғироқ қилиб: “Шу тарзда курашишда давом этсанг, сени лигадан бўшатамиз”, дейишяпти.

Шу ҳам адолатданми?! Бу чегарадан ўтиш эмасми?! Ахир бу жангга тўғридан-тўғри таъсир қилиш-ку!

Агар жангчини шартномадан озод қилмоқчи бўлсангиз — майли. Лекин кейин омма олдида у билан “ишлаш қийин”, деган гапларни айтманг ёки унинг атрофида салбий имиж яратманг. Бу унинг обрўсига путур етказиши ва бошқа лигаларни ҳам у билан шартнома тузишдан иккилантириши мумкин.

Агар хоҳласангиз, жангчиларни қўйиб юборинг. Фақат кетишидан олдин уларнинг фаолиятига зарар етказишга уринманг", — деди Мокаев.