Криштиану Роналду Хвича Кварацхелиянинг оғир жароҳатига муносабат билдирди

Криштиану Роналду  Хвича Кварацхелияга қўллаб-қувватлов билдирди. Грузиялик футболчи Европа Чемпионлар Лигаси умумий босқичида «Барселона»га қарши ўйинда оғир жароҳат олгани ҳақида Роналду Кварацхелиянинг инстаграмдаги саҳифасида қолдирган изоҳида уни руҳан қўллаб-қувватлади.«Футболдаги энг оғир курашлар кўпинча атрофдагилар учун кўринмас бўлади. Бу ҳис туйғуни мен яхши биламан, Квара. Лекин сени бу даражага олиб келган меҳнат ва иродани ҳеч қачон унутма. Бир оғир дақиқанинг ўзи сенинг имкониятларингдан шубҳаланишга мажбур қилмасин. Ичингдаги оловни ўчирма. Энг яхши кунларинг ҳали олдинда», — деб ёзди португалиялик футболчи.

Маълумот учун, Кварацхелия 20 октябрь куни Европа Чемпионлар Лигаси умумий босқичи учинчи турида жароҳат олган эди. Ушбу баҳсда «ПСЖ» «Барселона»ни 4:2 ҳисобида мағлуб этди. Грузия терма жамоаси аъзосида ўнг тиззасидаги олд крестообраз боғламнинг узилиши аниқланди. Яқин кунларда футболчи жарроҳлик амалиётини бошдан кечириши кутилмоқда.