“Parij-2024”: Shomurodov, Fayzullaev va Olimpiadaning eng mashhur yulduzlari!
24 iyul kuni Parij Olimpiadasining futbol musobaqasi guruh bahslariga start beriladi. Bu galgi musobaqada 16 ta mamlakat terma jamoalari to‘rt guruhga bo‘lingan holda g‘oliblik uchun kuch sinashadi.
Yozgi Olimpiya o‘yinlarida terma jamoalar quyidagicha bo‘lingan:
“A” guruhi – Frantsiya, AQSh, Gvineya va Yangi Zelandiya;
“V” guruhi – Argentina, Iroq, Marokash va Ukraina;
“S” guruhi – O‘zbekiston, Ispaniya, Misr va Dominikan Respublikasi;
“D” guruhi – Yaponiya, Paragvay, Mali va Isroil.
Har bir guruhdan dastlabki ikki o‘rinni egallagan terma jamoalar chorak finalga yo‘llanma olib, sovrinli o‘rinlar uchun kurashni davom ettiradi.
Olimpiya o‘yinlari qoidasiga ko‘ra, musobaqada asosan 23 yoshgacha bo‘lgan futbolchilar ishtirok etadi va har bir mamlakat terma jamoasiga uch nafar yoshi katta o‘yinchilarni olish huquqi beriladi.
Parij Olimpiadasida ham bir necha tajribali va taniqli charm to‘p ustalari ishtirok etishi kutilmoqda.
Sports.uz portali xalqaro ekspertlar tomonidan ko‘pchilikning e’tiborida bo‘lishi e’tirof etilgan futbolchilar haqidagi ma’lumotlarni taqdim etadi.
Nabi Keyta (“Verder”, Gvineya)
29 yoshli yarim himoyachi Nabi Keyta klublar miqyosida “Red Bull Zaltsburg”, “RB Leyptsig” va “Liverpul” jamoalarida to‘pu tepgan. Bir yildan beri Germaniyada “Verder” sharafini himoya qilmoqda.
Yutuqlari: Avstriya chempioni (2014/15, 2016/16), Avstriya kubogi sohibi (2014/15, 2015/16), Evropa chempionlar ligasi g‘olibi (2018/19), UEFA Superkubogi g‘olibi (2019), klublar o‘rtasidagi jahon chempioni (2019), Angliya chempioni (2019/20), Angliya kubogi sohibi (2020/21), Angliya liga kubogi g‘olibi (2020/21), Angliya Superkubokgi sohibi (2022). Avstriya chempionatining eng zo‘ o‘yinchisi (2015/16), Gvineyaning ikki karra eng yaxshi futbolchisi (2015, 2021).
Erik Garsiya (“Barselona”, Ispaniya)
23 yoshli himoyachi Ispaniya terma jamoasi safida avvalgi Olimpiada finalida o‘ynagan. Klublar miqyosida “Manchester Siti”, “Jirona” va “Barselona” sharafini himoya qilgan.
Yutuqlari: Angliya Superkubogi sog‘iyui (2019), Angliya liga kubogi sohibi (2019/20), Angliya chempioni (2020/21), Ispaniya chempioni (2022/23), Ispaniya Superkubogi sohibi (2023), 17 yoshgacha futbolchilar o‘rtasida Evropa chempioni (2017), 19 yoshgacha futbolchilar o‘rtasida Evropa chempioni (2019).
Abbosbek Fayzullaev (TsSKA, O‘zbekiston)
20 yoshli Abbosbek Fayzullaev ham Erik Garsiya singari yoshi Olimpiada limitiga to‘g‘ri keladi. Iste’dodli hujumkor futbolchi milliy terma jamoada 17 ta uchrashuvda to‘rtta gol urishga erishgan.
“Paxtakor” tarbiyalanuvchisi o‘tgan yilnin avgustidan beri Moskvaning TsSKA klubida o‘ynamoqda. Hali jahon yulduzlari darajasiga ko‘tarilmagan bo‘lsa-da, Markaziy Osiyoning eng qimmatbaho o‘yinchisiga aylangan Abbosning muxlislari tobora ko‘payib bormoqda.
Yutuqlari: O‘zbekiston chempioni (2021, 2022, 2023), O‘zbekiston Superkubogi sohibi (2022), 20 yoshgacha futbolchilar o‘rtasida Osiyo chempioni (2023). 20 yoshgacha futbolchilar o‘rtasidagi Osiyo kubogining eng zo‘r futbolchisi(2023), O‘zbekistonning eng yaxshi futbolchisi(2023), Rossiya Premer-ligasi kashfiyoti (2023/24).
Maykl Olise (“Bavariya”, Frantsiya)
22 yoshli hujumkor futbolchi Maykl Olise yaqinda “Kristal Pelas”dan “Bavariya”ga o‘tdi. Myunxenliklar uning transferiga 53 million evro sarfladi. Frantsiyalik o‘yinchi o‘smirlik davrida “Arsenal”, “Chelsi” va “Manchester Siti” klublari tizimida mahorat oshirgan.
Yutuqlari: Angliya Chempionshipining eng yaxshi yosh o‘yinchisi (2020/21), futbolchilar talqini bo‘yicha “Kristal Pelas”ning eng yaxshi o‘yinchisi.
Pau Kubarsi (“Barselona”, Ispaniya)
“Barselona” akademiyasining eng yorqin tarbiyalanuvchilaridan hisoblangan 17 yoshli himoyachi Ispaniya terma jamoasining Evropa chempionatidagi tarkibidan olib qolindi va unga Olimpiya o‘yinlarida o‘zini ko‘rsatish imkoni berildi.
Yutuqlari: La Ligada 23 yoshgacha bo‘lgan futbolchilar orasida oyning eng yaxshi o‘yinchisi (mart, 2024), Ispaniya terma jamoasi tarixida uchinchi eng yosh debyutant.
Aleksandr Lyakazett (“Lion”, Frantsiya)
33 yoshli forvardga uy Olimpiadasida Frantsiya terma jamoasiga etakchilik qilish vazifasi topshirildi. Tajribali hujumchi faoliyati davomida faqat ikki klub – “Lion” va Londonning “Arsenal” klubida to‘p tergan.
Yutuqlari: Frantsiya kubogi sohibi (2011/12), Frantsiya Superkubogi sohibi (2012), Angliya Superkubogi sohibi (2017), Angliya kubogi sohibi (2018/19), 19 yoshgacha futbolchi o‘rtasida Evropa chempioni (2010). Frantsiya chempionatining eng yaxshi o‘yinchisi (2014/15), “Arsenal”ning mavsumdagi eng yaxshi futbolchisi (2018/19).
Xulian Alvares (“Manchester Siti”, Argentina)
24 yoshli forvard Argentina terma jamoasining Olimpiadadagi eng qudratli va xavfli hujumchisi bo‘lishi kutilmoqda. “River Pleyt” tarbiyalanuvchisi 2022 yildan beri “Manchester Siti” sharafini himoya qilib kelmoqda.
Yutuqlari: Libertadores kubogi sohibi(2018), Argentina kubogi, Superkubogi sohibi (2018/19, 2021), Argentina chempioni (2021), Angliya chempioni (2022/23, 2023/24), Angliya kubogi sohibi (2022/23), Evropa Chempionalar ligasi g‘olibi (2022/23), UEFA Superkubogi sohibi (2023), klublar o‘rtasida jahon chempioni (2023), jahon chempioni (2022), Amerika kubogi sohibi(2021, 2024), Finalissimo g‘olibi (2022), Janubiy Amerikaning eng yaxshi futbolchisi, Argentina chempionatining eng yaxshi to‘purari.
Nikolas Otamendi (“Benfika”, Argentina)
36 yoshli himoyachi Nikolas Otamendi Parijga Amerika kubogining g‘olibi sifatida keladi. Argentinalik yulduz klublar miqyosida Evropada “Benfika”dan tashqari “Portu”, “Valensiya” va “Manchester Siti” sharafini himoya qilgan.
Yutuqlari: Argentina chempioni (2009), Portugaliya chempioni (2010/11, 2011/12, 2012/13, 2022/23), Portugaliya kubogi sohibi (2010/11), Portugaliya Superkubogi g‘olibi (2011, 2012, 2013, 2023), Evropa Ligasi g‘olibi (2010/11), Angliya liga kubogi sohibi (2015/16, 2017/18, 2018/19, 2019/20), Angliya chempioni (2017/18, 2018/19), Angliya kubogi sohibi (2018/19), Angliya Superkubogi sohibi (2018, 2019), jahon chempioni (2022), Amerika kubogi sohibi.
Ashraf Hakimi (PSJ, Marokash)
25 yoshli qanot himoyachisi chekiga Marokash terma jamoasiga etakchilik qilish tushgan. Ashraf PSJga kelgunga qadar “Real Madrid”, “Borussiya Dortmund” va “Inter” kabi qudratli klublar o‘ynagan.
Yutuqlari: UEFA Superkubogi g‘olibi (2017), Ispaniya Superkubogi g‘olibi (2017), klublar o‘rtasida jahon chempioni (2017), Evropa Chempionlar ligasi g‘olibi (2017/18), Germaniya Superkubogi g‘olibi (2019), Italiya chempioni (2020/21), Frantsiya chempioni (2021/22, 2022/23, 2023/24), Frantsiya Superkubogi sohibi (2022, 2023), Frantsiya kubogi egasi (2023/24), Afrikaning eng yaxshi yosh o‘yinchisi (2018, 2019), Afrikaning eng zo‘r o‘yinchisi (2019), Marokashning xorijdagi eng yaxshi futbolchisi (2020/21, 2021/22), FIFAning yil terma jamoasiga kiritilgan (2022).
Eldor Shomurodov (“Roma”, O‘zbekiston)
29 yoshli Eldor Shomurodov ilk bor Olimpiya o‘yinlarida qatnashayotgan O‘zbekiston terma jamoasining haqiqiy etakchisi vazifasini bajarib berishi kerak. Eldor legioner sifatida “Rostov”, “Jenoa”, “Spetsiya”, “Kalyari” va “Roma” klublarida juda katta tajriba to‘plagan.
Ekspertlar Parij Olimpiadasi Eldor Shomurodovga boshlanayotgan mavsum uchun o‘ziga mos yangi jamoa topishiga yordam berishini ta’kidlamoqda.
Yutuqlari: UEFA Konferentsiyalar kubogi g‘olibi (2021/22), Evropa Ligasi finalchisi (2022/23), O‘zbekistonning eng yaxshi futbolchisi (2019, 2021), O‘zbekiston milliy terma jamoasi tarixidagi eng yaxshi to‘purar (73 ta o‘yin, 40 ta gol).
Fikrlar
ай.Дуне укийди ахир.