“Реал” нега Мбаппега 117 миллион евро берди?

Шу кунларда Килиан Мбаппенинг кайфияти жуда яхши. El Nacional нашрининг журналист Марсал Лорентега таяниб хабар беришича, франциялик футболчининг ҳисоб рақамига катта сумма келиб тушган.

Манбага кўра, мадридликлар Килиан Мбаппе улар билан эркин агент мақомида шартнома имзолагани учун йиллик маошига қўшиб, 117 миллион евро миқдорида бонус пулларини ҳам тўлаган.

ПСЖнинг футболчини олиб қолиш ҳаракатларига қарамай, Килиан Мбаппе ёзда Париждан кетишга қарор қилган эди.

25 ёшли ҳужумчи ўзи орзу қилган жамоа – “Реал” сафига келиб қўшилди. Мбаппе янги жамоасига келганидан бери барча турнирларда 39 та учрашувда қатнашиб, 27 та гол ва тўртта ассист муаллифи бўлди.