108 дақиқа давом этган ўйинда "Ливерпуль" катта қийинчилик билан ғалаба қозонди

Англия Премьер-лигаси 28-туридан ўрин олган учрашувни амалдаги чемпион "Ливерпуль" меҳмонда ўтказди. "Молинекс" стадионида бўлиб ўтган ўйинда "Вулверхэмптон" 0:1 ҳисобида мағлубиятга учради.

Баҳс тақдирини ҳал этган ягона гол 45+2 дақиқада Диогу Жота томонидан киритилди. Жарима майдони ичидан зарба берган португалиялик футболчи терма жамоадаги гериги Патрисиуни ожиз қолдирди.

Шу тариқа, очколари сонини 46 тага етказиб олган "қизиллар" 6-ўринга кўтарилди. Имкониятни бой берган "бўрилар" 35 балл билан онлайн жадвалда 13-поғонани банд этган.

  • Премьер-лига
  • 28-тур

Вулверхэмптон

0 : 1

16/03/2021, 00:00

Ливерпуль

  • Диогу Жота 45'

  • 90+18'

    Учрашув якунланди. Матнли трансляция Жавоҳир Азимов томонидан олиб борилди!

  • 90+16'

    СЎнгги сониялар шунчаки "ёняпти"! Майдон эгалари тинмай олдинга ўтмоқда.

  • 90+14'

    Фабио Сильва тўпга мослаша олмади. Тўп унинг елкасига тегди.

  • 90+12'

    Салаҳнинг зарбасидан кейин тўп дарвозага аниқ бормади.

  • 90+10'

    Сўнгги дақиқаларни мезбонлар фаолроқ ўтказмоқда. Уларга гол зарур.

  • 90+7'

    Жароҳат олган мезбонлар посбони Патрисиу майдон ташқасига олиб чиқилди. Ўйин давом эттирилади.

  • 90'

    Ўйиннинг асосий вақтига 7 дақиқа қўшиб берилди.

  • 88'

    Руи Патрисиуга тиббий ёрдам кўрсатилиши лозим.

  • 86'

    Бирга-бир вазиятга чиқиб борган Салаҳ дарвозани ишғол этди. Бироқ ён ҳакам офсайд туфайли гоолни беокр қилди.

  • 84'

    Морган Гиббс-Уайт майдонга тушди. У Нельсон Семеду ўрнида ҳаракат қилади.

  • 82'

    "Бўрилар" майдон марказида тўпни ўзида ушлаб турибди.

  • 80'

    Жарима майдонига ёриб кирган Салаҳнинг уринигини дарвозабон қайтариб юборди.

  • 79'

    Садио Маненинг жарима майдони ташқарисидан йўллаган зарбасини Патрисиу ушлаб олди.

  • 76'

    Рубен Невеш ўз ўрнини Леандер Дендонкерга бўшатиб берди.

  • 74'

    Санту шогирдлари майдон бўйлаб тўпни назорат қиляпти.

  • 72'

    Уч рақиби қуршовида қолган Траоре зарба йўллади. Дарвозабон ўз ўрнида.

  • 70'

    "Бўрилар" сафида ҳаракат қилган Виллиан Жозе ўз ўрнини Фабио Сильвага бўшатиб берди.

  • 67'

    Мильнер ҳамда Кейта майдонга тушди. Улар Тьяго ва Вейналдумни алмаштирди.

  • 64'

    Трент Александр-Арнольднинг стандартдан йўллаган зарбасига аниқлик етишмади.

  • 62'

    Адама Траоренинг узатмасидан кейин тўпга жамоадошларидан ҳеч ким ета олмади.

  • 60'

    Диогу Жота рақибига нисбатан қоида бузди. Ҳакам ўйинни тўхтатди.

  • 58'

    "Бўрилар" ўйин назоратини ўзида ушлаб турибди.

  • 55'

    Жонининг узатмасидан кейин ҳимоячилар тўпни қайтарди.

  • 52'

    Рақибига нисбатан қоида бузган Саисс огоҳлантирилди.

  • 50'

    Коади кетма-кет икки марта бош билан зарба йўллади. Аммо ҳар икки сафар тўп бошқа йўналишга кетди.

  • 48'

    Бўлимни майдон эгалари нисбатан фаол бошлади.

  • 46'

    Иккинчи тайм бошланди!

  • 46'

    Футболчилар майдонга қайтди. Биз ҳам қайтамиз!

  • 45+3'

    Танаффус!

  • 45+2'

    ГОООООООООООООООООООЛЛЛЛЛЛЛЛЛЛЛЛ! "Ливерпуль" тайм сўнгида ҳисобни очди!

    Диогу Жотанинг яқин масофадан йўллаган зарбасидан кейин Патрисиу тўпни қайтара олмади.

  • 45'

    Биринчи таймга 2 дақиқа қўшиб берилди.

  • 45'

    Невеш бу сафар жарима майдони ичидан зарба берди. Тўп устун ёнгинксидан ўтиб майдонни тарк жтди.

  • 43'

    Рубен Невешнинг жаримадан йўллаган зарбасини Алиссон эгаллаб олди.

  • 42'

    Траорега нисбатан қоида бузган Алькантара огоҳлантирилди.

  • 42'

    "Ливерпуль" жарима майдони марказига оширилган тўпни Алиссон муштлари билан узоқлаштирди.

  • 40'

    Нетунинг стандартдан етказиб берган тўпини ҳимоячилар қайтарди.

  • 38'

    Садио Маненинг жарима майдони марказидан бош билан йўллаган зарбасига аниқлик етишмади.

  • 37'

    Техник ҳаракатлари билан Невешни ортда қолдирган Мане қоида бузиш эвазига тўхтатилди. Ҳакам Рубенга сариқ карточка кўрсатди.

  • 35'

    Клопп шогирдлари устунликни қайтариб олди. Энди майдон эгалари камдан кам олдинга ўтяпти.

  • 33'

    Педру Нету воқеалар ривожидан бироз илгарилаб кетди.

  • 31'

    Нельсон Семедунинг узатмасидан кейин Филипс тўп йўналишини бироз ўзгартирди. Акс ҳолда, Жозе тўпни дарвозага йўллаш учун тайёр эди.

  • 28'

    Клопп шогирдлари секин-аста майдон марказини қўлга олди. Энди улар рақиб жарима майдонини ишғол этмоқчи.

  • 25'

    Мерсисайдликлар бироз фаолликни оширди. Бу сафар Робертсон жарима майдонига узатма амалга оширганди. Бироқ шериклари уни қабул қила олмади.

  • 23'

    Садио Маненинг узатмасига Салаҳ ета олмади.

  • 21'

    Адама Траоренинг узатмасига Жозе ета олмади. Футболчилар бир-бирини тушунмай ҳаракат қилди.

  • 19'

    Бурчак тўпини комбинацион тарзда ўйинга киритган "бўрилар" ҳеч нарсага эриша олмади.

  • 17'

    Педру Нету ўз қанотидан фаоллик намойиш этди. Бироқ жамоадошлари уни етарлича қўллаб-қувватлай олмади.

  • 15'

    Жоау Моутиньога тиббий ёрдам кўрсатилмоқда.

  • 13'

    Дарвозабон билан бирга-бир вазиятга чиқиб борган Мане Патрисиуни алдаб ўтди. Лекин бурчак бироз ўткирлашиб кетди ва Садио зарба бера олмади. Вазият бой берилди.

  • 11'

    Робертсоннинг жарима майдонига узатиб берган тўпини ҳимоячилар узоқлаштирди.

  • 9'

    Санту шогирдлари қанотларни тез-тез алмаштириб, олдинга ўтишга уринмоқда.

  • 7'

    Мане ўз қанотдан олдинга ўтди. Бироқ ҳимоячилар уни зарарсизлантиришга муваффақ бўлди.

  • 5'

    Семедунинг зарбасидан кейин дарвозабон тўпни қайтарди.

  • 4'

    Майдон эгалари тўпни назорат қиляпти. "Қизиллар" прессингда.

  • 2'

    "Бўрилар" илк дақиқалардаёқ олдинга ўтди. Жарима майдонига узатилган тўпни Алиссон эгаллаб олди.

  • 1'

    Ўйин бошланди!

Фикрлар

Фикр қолдириш учун авторизациядан ўтинг!