1994 йилдан буён жаҳон чемпионатларида бундай сенсация бўлмаган эди

Кеча 2 декабрь куни ЖЧ-2022нинг “G” ҳамда “H” гуруҳларида сўнгги тур учрашувлари ўтказилди ва шу тариқа мусобақанинг гуруҳ босқичига якун ясалди.

Эътиборлиси, 1994 йилги жаҳон чемпионатидан буён биринчи марта мундиал иштирокчиларидан ҳеч бири гуруҳда тўққиз очко тўплай олмади.

Таъкидлаш керакки, кеча икки жамоа буни уддалай оларди - Бразилия ва Португалия. Аммо Бразилия терма жамоаси Камерунга имкониятни бой берди – 0:1, Португалия эса кутилмаганда Жанубий Корея терма жамоасига ютқазиб қўйди – 1:2.

Эртага Қатарда бўлиб ўтаётган жаҳон чемпионатининг 1/8 финал босқичининг илк ўйинларига старт берилади. Соат 20:00да Нидерландия ва АҚШ терма жамоалари, 00:00да эса Аргентина ва Австралия терма жамоалари учрашувлари бошланади.