37 ёшли футболчимизга тўртта клуб жиддий қизиқмоқда

Тажрибали ярим ҳимоячи Жасур Ҳасанов бир ярим йилдан буён “Сўғдиёна” шарафини муносиб ҳимоя қилиб келяпти. Ўзидан илиқ таассурот қолдираётгани сабабли ҳали ҳамон мухлисларнинг эътиборида бўлиб турибди. Қолаверса, Ҳасановни ўз сафида кўришни хоҳлаётган бошқа клублар ҳам бор.

37 ёшни қаршилаган ушбу футболчига Суперлиганинг тўртта жамоасидан таклиф борлиги маълум бўлди. Бу хусусида унинг ўзи sports.uzга берган интервьюсида маълум қилди. Ҳозирча жамоаларнинг номлари сир тутилмоқда. Бироқ жиззахликлар ҳам Ҳасанов билан келишувни узайтириш ниятида. Шу сабабли барчасига мавсум якунидан кейин ойдинлик киритилади.

Яқин орада Жасур Ҳасанов билан уюштирилган суҳбатни sports.uzда ўқишингиз мумкин.