"Барселона" қишда А Сериянинг етакчи ҳимоячиларидан бирини сотиб олади

Каталониянинг “Барселона” клуби қишда ўзига Италия А Сериясидан маҳоратли ҳимоячи сотиб олишни режалаштирмоқда.

Football Italia нашри тарқатган хабарга кўра “кўк-анор ранглилар” бу борада "Наполи"дан Калиду Кулибали ҳамда "Интер"дан Милан Шкриньярларни кўз остига олиб қўйишган.

Эслатиб ўтамиз, айни дамда “Барселона” марказий ҳимоя чизиғида муаммоларга дуч келмоқда. Боиси, Умтити ҳамда Вермаленлар узоқ муддатга сафдан чиқишган бўлишса, барқарор ўйин кўрсата олмаётган Пике Вальверденинг ишончини оқлай олмаяпти.