"Бавария" 19 ёшли германиялик ҳужумчи билан келишувга эришди

“Гамбург” клуби ҳужумчиси Янн-Фите Арп фаолиятини “Бавария”да давом эттирадиган бўлди.

Bild нашри тарқатган хабарга кўра мюнхенликлар 19 ёшли германиялик футболчи билан келишувга эришишган. Бироқ, ҳозирча Арп жорий мавсум якунлангач “Бавария”га кўчиб ўтадими ёки яна бир йилдан сўнгми, бу ҳақда маълумотлар йўқ.

Маълумот учун, Арп жорий мавсум “Гамбург” сафида иккинчи Бундеслигада жами 11та ўйинда майдонга тушди ва жамоасининг 1та голига ассистентлик қилишга эришди.