"Бавария" ёзги трансферлар учун 255 млн евро сарфлайди

Мюнхеннинг "Бавария" клуби ёзги трансферлар даврида таркибни кучайтириш учун 255 миллион евро сарфлайди. Бу ҳақда Bild нашри хабар бермоқда.

Унга кўра ушбу маблағлар биринчи навбатда "Атлетико" ҳимоячиси Лукас Эрнандес, "Челси" вингери Каллум Хадсон-Одойи, "Байер" хавбеки Кай Хавец ва "РБ Лейпциг" ҳужумчиси Тимо Вернерларни сотиб олишга қаратилади.

Эслатиб ўтамиз, Нико Ковач бошчилигидаги жамоа айни дамда Бундеслигада пешқадам “Боруссия” Дортмунддан 6 очко кам жамғарган ҳолда иккинчи ўринни эгаллаб турибди.