Bekzod Abdurahmonov va Magomed Ibragimov chorak finalda

Frantsiya poytaxti Parij shahrida sport  kurashlari bo‘yicha Jahon chempionati davom etmoqda.

Ushbu musobaqada -74 kg vazn toifasida ishtirok etayotgan hamyurtimiz Bekzod Abdurahmonov chorak final yo‘llanmasini qo‘lga kiritdi. Germaniyalik Osman Chakichiga qarshi gilmaga ko‘tarilgan hamyurtimiz raqibidan yirik, 11:0 hisobida ustun keldi va keyingi bosqich masalasini hal qildi. Endi hamyurtimiz yarim final oldidan kubalik Livan Lopez Azkuy bilan bahs olib boradi.

Shuningdek, -97 kg vazn toifasida bahslarga kirishgan sportchimiz Magomed Ibragimov ham eronlik Muhsin Muhammadini 10:4 hisobida mag‘lubiyatga uchratgan holda, chorak final masalasini hal qildi. Endi sportchimiz keyingi bosqichda hindistonlik Sativard Kadian va armanistonlik Georgi Ketoev juftligi g‘olibi bilan bahs olib boradi.