Biatlonchilar Frantsiya bilan bugun xayrlashadi
Frantsiyaning Ansi shahrida davom etayotgan baitlon bo‘yicha jahon kubogi uchinchi bosqichida bugun so‘nggi poygalar o‘tkaziladi. Unda erkaklar va ayollar baitlonning mass-start yo‘nalishida raqobatlashadilar.
Kecha ayollar o‘rtasida 10 km masofaga o‘tgan ta’qib poygasida birinchi o‘rinni Laura Dalmayer (Germaniya) egallagan bo‘lsa, Anastasiya Kuzmina (Slovakiya) ikkinchi hamda Liza Vittotstsi (Italiya) uchinchi bo‘lib marra chizig‘ini bosib o‘tdi.
12,5 kmga erkaklar o‘rtasida o‘tkazilgan ta’qib poygasida norvegiyalik Yoxannes Byoga hech kim eta olmadi. Shuningdek, poygada Marten Furkad (Frantsiya) va Anton Shipulin (Rossiya) ikkinchi hamda uchinchi pog‘onani egalladi.
Jahon kubogida umum hisobda erkaklar o‘rtasida Marten Furkad 372 ochko bilan birinchi pog‘onada borayotgan bo‘lsa, Anastasiya Kuzmina xotin-qizlar o‘rtasida 259 ochko bilan barchani ortda qoldirmoqda.
Bugun, 17 dekabr kuni xotin-qizlar va erkaklar mass-start poygasida o‘zaro bahslashadi.
Fikrlar