Биласизми? Англия ЖЧ-2018да маҳаллий чемпионатда тўп сурувчи футболчилардан тузилган ягона жамоа

Англия терма жамоаси таркиби тўлиқ маҳаллий чемпионат ҳисобланган Англия премьер-лигасида иштирок этувчи футболчилардан ташкил топган.

Эътиборлиси, Гарэт Саутгейт бошчилигидаги жамоа бу борада ЖЧ-2018да ягона ҳисобланади. Қуйида Англия терма жамоасига жалб этилган футболчиларнинг клублари билан танишиб олишингиз мумкин:

"Тоттенхэм" – 5 . "Манчестер Юнайтед" – 4. "Манчестер Сити" – 4. "Лестер Сити" – 2. "Ливерпуль" – 2. "Эвертон", "Сток Сити", "Бёрнли", "Челси", "Кристал Пэлас", "Арсенал" – 1.

Эслатиб ўтамиз, Англия терма жамоаси эртага мундиалнинг ярим финал босқичи доирасида Хорватияга қарши баҳс юритади. Учрашув Тошкент вақти билан соат 23:00да бошланади.