"Боруссия" Дортмунд ҳужумчиси "Реал"да ўйнашни орзу қилади

Дортмунднинг “Боруссия” клуби форварди Якоб Ларсен “Реал”да ўйнаш орзуси борлиги ҳақида гапириб ўтди.

“Реал”га ўтиш мен учун катта натижа бўлган бўларди. Чунки, бу менинг  дунёдаги энг кучли футболчилардан бири эканлигимни англатади. “Реал”да ўйнашдан кўра яхшироқ нарса йўқ. Аммо, мен бутун фаолиятимни “Боруссия”га бағишлашим ҳам мумкин”, - дейди 20 ёшли даниялик футболчи.

Маълумот учун, Ларсен “Боруссия” сафида 2015 йилдан буён тўп суриб келмоқда. У жамоанинг асосий таркибида 9та ўйинда майдонга тушган ва ўз ҳисобига 3та гол ҳамда 3та голли узатма ёздириб қўйишга эришган.