Бугун ПСЖнинг 6та футболчиси майдонга тушолмайди

Хабарингиз бор бугун Франция чемпионатининг 23-тур ўйинларига старт берилади. Амалдаги чемпион ҳисобланган ПСЖ бугун “Дижон” клуби мехмони бўлади. Таъкидлаш керакки, бугунги ўйин олдидан парижликлар сафида жиддий йўқотишлар мавжуд.

Берилган маълумотларга кўра бугунги ўйинда Унаи Эмери турли хил сабабларга кўра нақд олтита футболчининг хизматларидан фойдалана олмайди. Аниқроғи, Анхель ди Мария, Марко Верратти, Хавьер Пасторе, Гжегож Крыховяк, Кевин Трапп ва Томас Меньелар бугун майдонга тушишмайди.

Эслатиб ўтамиз, айни дамда парижликлар мусобақа жадвалида 3-ўринда боришмоқда, уларнинг рақиби “Дижон” клуби эса 14-ўриндан жой олган.