«Челси»нинг мавсумни бой берганига беш далил (Эркин Ғайбуллаев блоги)
Ads

Июль ойида «Челси» бош мураббийи этиб Маурисио Сарри тайинланганида «Стэмфорд Бридж»да оптимистик кайфият пайдо бўлганди.

Жозе Моуриньо ва Антонио Контенинг ўзига хос «ғалаба формулалари» борлигига қарамай улар анча ҳимоявий услубни қўллашди. Бу эса охир-оқибат «Стэмфорд Бридж»да ижобий ўзгаришлар қилиш пайти келганини кўрсатиб қўйди.

Ҳужумкор футбол намойиш қиладиган Саррининг олиб келиниши ҳақидаги янгилик клубнинг кўплаб мухлислари томонидан анча илиқ кутиб олинди.

Италиялик мураббий дастлабки беш учрашувнинг барчасини ғалаба билан якунлаб унга билдирилган ишончни оқлагандек бўлди.

Аммо сўнгги пайтларда «Наполи»нинг собиқ устози клубда баъзи ишларни тўғри қилмаётгани аён бўлди. Айниқса уй учрашувларда ғалаба қозониш қийинлашиб бораётгани баъзи хавотирларнинг пайдо бўлишига олиб келди.

«Эвертон» ва «Саутгемптон» билан бўлган дуранг, «Тоттенхэм», «Вулвес» ва «Лестер»дан учралган мағлубият «Сарриболл» парчаланиб «ерга қулагани» маълум бўлди.

Энди «Челси» Унай Эмерининг «Арсенал»и ва Оле Гуннар Сульшернинг кучаяётган «МЮ»си билан кучли тўртликдан ўрин олиш учун қаттиқ кураш олиб боради.

Ишларнинг чаппасига кетишига эса қуйидаги факторлар сабаб бўлмоқда.

Ҳужумчи масаласи

Саррининг энг катта муаммоси – ҳужумчи масаласи ҳисобланади. Алваро Мората клуб учун етарлича мос эмаслиги ойдинлашди. Испаниялик ҳужумчи жамоасини Чемпионлар Лигасига етаклаб бора олмайди.

Ҳужумчининг умумий статистикаси унчалик ёмон эмас. 22 ўйинда 7 гол қониқарли, аммо у бой берган кўплаб вазиятлар мухлисларни ранжитмоқда. «Кучли олтилик»нинг қолганларига бир назар ташлайлик: «Манчестер Сити»да Серхио Агуэро, «Арсенал»да Пьер-Эмерик Обамеянг, «Тоттенхэм»да Харри Кейн, «МЮ»да чақнай бошлаган Маркус Рэшфорд, «Ливерпуль»да бир эмас нақ учта моҳир ҳужумчилар бор.

Оливье Жиру ва Мората эса шунчаки юқорида тилган олинган ҳужумчилар даражасида эмас.

«Челси» ЕЧЛда иштирок этишни хоҳласа улар самаралироқ ҳужумчини олиб келишлари зарур.

Кантенинг позицион ўзгариши

Нголо Канте дунёнинг энг яхши таянч ярим ҳимоячиси ҳисобланади. Нега у бошқа позицияда ўйнаяпти?

Жаҳон Чемпиони янги ролида ҳам анча яхшиланишга эришганига шубҳа йўқ. У бу мавсумда уч гол ҳам урди. Аммо “кўклар” ярим ҳимояда анча мувозанатни тутиб турадиган жамоа.

Жоржиньода юқори яратувчанлик бор. Аммо Кантени ёзги трансфер учун қурбон қилиш хато ва Сарри ўйин услубига қайтадан ўзгартириш киритиши жоиз.

Канте Жоржиньо билан ярим ҳимоянинг ўртасида жой олиши керак. «Наполи»да Жоржиньо атрофида ўйинни қуриши иш берганди аммо Лондонда ярим ҳимоя учлигига тузатиш киритиши зарур, ёки бундан ҳам ёмон натижалар давом этиши шубҳасиз.

«Қариётган» вингерлар

«Челси»нинг бошқа бир муаммоси бу ёши ўтиб бораётган вингерларидир. Мавсум стартида Педро ва Виллианлар ўнг қанотда тез-тез ротация қилинди. Испаниялик ҳужумчи мавсум аввалида олти гол уришга ҳам эришди.

Аммр Педро 31 ёшда ва бундан буёғига жароҳат олишга мойил. Виллиан эса 30 ни қарши олди ва бразилиялик футболчи анча иқтидорли ҳисобланади.

У жорий мавсумда 20 ўйинда икки гол уришга эришди. Клубдаги бутун фаолияти давомида у лондонликлар учун 186 ўйинда 27 гол урди.

Рақамлар унчалик зўр эмас. Виллиан Мата каби Азар учун тўртта голли узатма берган. Кристиан Пулишич эса Азарни келаси мавсумдан бошлаб яхшироқ ўйнашига ёрдам бера бошлайди.

Самарасиз ярим ҳимоячилар

Саррининг навбатдаги муаммоси бу ярим ҳимоячилар етарлича гол ура олишмаяпти. Жоржиньо «рассом», унинг биргина голи ҳам пеналтидан киритилган. Техникаси юқори бўлган ярим ҳимоячи исталган нуқтадан зарба бера олмаслиги бироз ғалати.

Худди шу гапларни Матео Ковачичга нисбатан айтсак бўлади. Хорватиялик футболчи «Реал» учун ўтказган 78 ўйинида атиги бир гол урган. Лондонда эса ҳозирча бирорта гол ҳам урмаган.

Ярим ҳимоядигалардан гол ураётган ягона футболчи бу Росс Баркли бўлмоқда. Баркли қаторасига уч ўйинда гол урган пайтлар ҳам бўлди. Бироқ байрам тезда ўз ниҳоясига етди.

Алонсонинг спорт формаси

Маркос Алонсо октябрь ойида узоқ муддатлик шартномага имзо қўйди ва «ёғлиққина маош»га эга бўлди.

28 ёшли ҳимоячи клуб учун ўтган мавсумда энг яхши ўйинларини намойиш қилди. Айниқса ҳужумкорлик қобилиятини ҳам намоён қилди. 33 ўйинда 7 гол ва икки голли узатма ҳимоячи учун фантастика!

Аммо испаниялик ҳимоячи сўнгги ўйинларда чап қанотдаги ҳукмронлигини йўқотиб қўйди. Афтидан Сарри чап қанотни Эмерсонга ишониб топширадиган кўринади. Алонсо эса ўз ўрнини йўқотиб қўймаслиги учун янада қаттиқроқ меҳнат қилиши зарур.

Фикрлар

Фикр қолдириш учун авторизациядан ўтинг!
&
darwesh
07/01/2019 14:29
Биринчи пунктга кушиламан. Колганлари нисбий деб уйлайман. Саррига хали ёши катта булса хам, тажриба томондан хали хом деб уйлайман

«SPORTS.uz» сайтида чоп этилган материаллардан нусха кўчириш, тарқатиш ва бошқа шаклларда фойдаланиш фақат таҳририят ёзма розилиги билан амалга оширилиши мумкин.

ТАҲРИРИЯТ ҲАҚИДА

Гувоҳнома: №1002. Муассис: «RENDER SYSTEMS» МЧЖ.

Таҳририят манзили: 100047, Тошкент шаҳри, Истиқбол кўчаси, 15-уй.
Электрон манзил: info@sports.uz.
Телефон: +998 71 233-78-98