Инқироздан чемпионликкача: «Реал»га аталган мавсум!
Ads

Дунёда «Реал»га ўхшаган клуб топилмаса керак. Бир ой олдин инқирозда бўлган жамоа кейинги ойда соврин ютмоқда. «Қаймоқранглилар» мана қаторасига учинчи марта клублар ўртасидаги Жаҳон чемпионатини ютиб олди. Ушбу соврин мадридликларга ўзларига бўлган ишончни қайтаришда муҳим аҳамият касб этиши жоиз.

Улар КЎЖЧ финалида БАА чемпиони Ал-Айн устидан йирик 4-1 ҳисобида ғалаба қозонди. Ўз навбатида амирлик клубининг финалга чиқиши ҳам кутилмаган ҳолат бўлди. Улар «Ривер Плейт»ни ярим финалда пенальтилар сериясида мағлуб этди. «Реал» эса финалда Лука Модрич, Маркос Льоренте, Серхио Рамос ва автогол Яхё Нодирларнинг голлари эвазига рақибидан устун келди.

Бу ғалаба барча шубҳаларга нуқта қўйди. «Қироллик клуби» энди сўнгги уч мавсумда ушбу нуфузли совринга эга чиқди ва сўнгги беш йилда тўртинчи марта чемпионликни нишонлади. Уларнинг бироз аввалги барча муаммоларига қарамай бундай ғалаба ажойиб натижа ҳисобланади.

Солари учун ҳам соврин эътиборга лойиқ. Хулен Лопетегининг истеъфосидан кейин клубни 2021-йилгача қабул қилиб олган тажрибасиз мураббий учун катта синов бўлди. Чунки Моуриньонинг «Манчестер Юнайтед» бошқарувидан кетиши ортидан унинг навбатдаги иш жойи «Реал» бўлиши борасидаги трансфер миш-мишлари пайдо бўла бошлади. Бу эса Соларига янада каттароқ босим уйғотади.

«Биз – бахтлимиз. Футболчилар бунга арзийди. Улар қаттиқ меҳнатлари эвазига эришдилар ва кўплаб совринларга эга чиқишмоқда. Қаторасига учта Чемпионлар Лигаси совринидан кейин учинчи клублар ўртасидаги Жаҳон чемпионати ғолиблиги байрам торти бўлди.» – деди мадридликлар бош мураббийи ўйиндан кейин берган интервьюсида.

«Бу жамоа ва футболчилар учун аҳамиятга молик ютуқ. Бошқа мураббийлар Зидан кабилар учун клуб билан амалга оширган ишлари учун ҳам биз буни нишонлашимиз керак. Бундай натижага эришиш бошқалар учун осон бўлмайди.»

Бу айни ҳақиқат ва Солари собиқ ҳамкасби учун миннатдорчилик билдириши керак. Аммо у ҳам ўз ишини яхши бошлашга эришди. Барча мусобақалар доирасида 13 ўйинда 11 ғалабага эришган мадридликлар фақатгина икки марта мағлуб бўлишди.

Лопетеги қўли остида «Реал» ҳатто бу совринни ҳам юта олмаслиги мумкин эди. Басклик мураббий бошчилигида таркиб нақ саккиз соат бирорта гол ура олмай шарманда бўлганди. Қаторасига етти ўйиннинг нақ бештасида улар қақшаткич мағлубиятларни қабул қилиб олганди. Буларнинг бирортаси клуб томонидан ҳазм қилинмади. Октябрь ойи охирида «Камп Ноу»да «Барселона»га 5-1 ҳисобида енгилиши клуб мутасаддиларининг сабр-косасини тўлдирди.

Солари келиши билан футболчиларга ўзларига бўлган ишончни кўтаришда ёрдам берди. Гарет Бейлнинг ярим финалда «Кашима Антлерс»га урган хет-тригидан кейин Модрич ва Льорентелар финалдаги ғалабага муҳим ҳиссаларини қўшишди.

Оғир ёз (Зидан ва Роналду каби муҳим фигураларнинг жамоани тарк этиши) ва куздан (Лопетеги қўли остида) кейин қиш мадридликлар ва Солари учун нисбатан енгил келди.

Мадридликлар яна Ла Лига чемпионлигига даъвогарлар сафида, Чемпионлар Лигаси нимчорак финалида ўйнайди. Янги йил «қаймоқранглилар»га бахт ва омад олиб келадигандек таассурот уйғотмоқда!

Фикрлар

Фикр қолдириш учун авторизациядан ўтинг!
&
darwesh
27/12/2018 00:19
Зиданга ухшаганини Перес каердан топар экан?
Aza Arvelazde
27/12/2018 00:56
битта бо, Рузикул бердиев дегич
&
darwesh
27/12/2018 13:31
Зидан хали Бердиев даражасига етиб бормаган.
Aza Arvelazde
29/12/2018 15:30
Bu gapizga +