Кагава “Севилья”га йўл олиши мумкин
Дортмунднинг “Боруссия” клуби ярим ҳимоячиси Шинжи Кагава фаолиятини Испания чемпионатида давом эттириши мумкин. Япониялик футболчига Ла Лиганинг “Севилья” жамоаси қизиқиш билдирмоқда.
El Desmarque нашрининг тарқатган хабарига кўра, испан клуби вакиллари Кагава билан учрашиб, бўлажак трансфер борасида музокаралар ўтказган, бироқ “сариқ-қоралар” раҳбарияти футболчини қўйиб юбормоқчи эмас.
29 ёшли футболчи Германия кубоги доирасида “Гройтер Фюрт” билан кечган ўйин қайдномасига киритилмаган.
– Бизда марказий позицияда ўйнадиган футболчилар кўп. Уларнинг имкониятларини биламиз. Мавсум эса узун.Ҳар бир ўйинчи биз учун муҳим, – дейди дортмундликлар устози Лусиан Фавр.
“Севилья” Кагавани қўлга кирита олмаса, ПСЖ вакили Юлиан Дракслерни харид қилишни режалаштирган.
Фикрлар