Конор Макгрегор - Флойд Мейвезер жангидан матнли трансляция | LIVE

АҚШнинг Лас-Вегас шаҳрида UFC чемпиони Конор Макгрегор ҳамда енгилмас боксчи – 5 вазн тоифасида чемпион бўлган Флойд Мейвезер бокс қоидалари асосида жанг қилмоқда.

SPORTS.uz интернет ахборот портали "T-Mobile Arena" бўлиб ўтаётган супер жангдан матнли трансляцияни эътиборингизга ҳавола этади

9.25. Дастлабки уч раундда на Конор Макгрегор, на Флойд Мейвезер аренага йиғилган томошабинларни хурсанд қила олди. Улар бир-бирини ўрганишди,холос. ММА жангчиси Макгрегорнинг хурмача қилиқларини айтмаганда деярли ҳеч нарса томоша қилмадик.

9.29. Тўртинчи раундда Мейвезер устунликни қўлга олгандек кўринди гўё. Лекин МакГрегор ҳам бўш келмаяпти. Кетма-кет зарбалар алмашинуви, аммо кутилмаган кучли зарбаларни ҳеч қайси боксчи намойиш қила олмади.

9.34. Бешинчи раундга Мейвезер боксчи эканлигини эсига тушиб қолгандек жанг қилди. Тан олиш жоизки МакГрегор мана шу раундга келганда қаерга келиб қолганини англади.

9.38 Олтинчи раундда Мейвезер нисбатан аниқ ва кучли зарбалар йўллашга эга бўлди. Жангда илк марта Макгрегор бироз чекингандек кўринди. Бироқ қарши зарбалар йўллашга муваффақ бўлди.

9.39 Олтинчи раундда Мейвезер нисбатан аниқ ва кучли зарбалар йўллашга эга бўлди. Жангда илк марта Макгрегор бироз чекингандек кўринди. Бироқ қарши зарбалар йўллашга муваффақ бўлди.

9.45 Ҳар икки спортчи ҳам чарчади. Макгергор кетма-кет зарбалар йўллай олмаяпти. Мейвезер эса бироз кучсиз ва бироз ноаниқ зарбалари билан эсда қолди. Ирландиялик жангчи худди UFCда жанг қилаётгандек. Ташаббус оладиган спортчи топилмади.

9.46 Тўққизинчи раундга келиб Макгрегор қаршилик қила олмаяпти. У бир амаллаб раундни тик тугатиш учун ринг бўйлаб қочиб юрибди. Мейвезер бошқачасига йўл бермаяпти. У энди чиройли тарзда жангни тугатиш йўлини қидирмоқда.

9.52 Ўнинчи раунд. Барчаси тугади! Мақтанчоқ МакГрегор таслим этилди. Кетма-кет зарбалар қуршовида қолган ирландиялик жангчи техник нокаутга учради.

Бу Мейвезернинг профессионал фаолиятида 50-ғалабаси сифатида тарихга муҳрланди.