Конор Макгрегор Мэйвезер билан жанг муддатини эълон қилди
Жанговар спорт турларига қизиқувчи мухлисларнинг аксариятини професионал бокс юлдузи Флойд Мэйвезер ва аралаш жанг санъатлари устаси Конор Макгрегорнинг ўзаро жанги қизиқтириб келмоқда.
Боксчилик фаолиятини 49 та ғалаба билан якунлаган Флойд Мэйвезер уни фақат Конор Макрегор билан бўладиган жанг рингга қайтариши мумкинлигини эълон қилган. Конор эса бокс юлдузи билан куч синашиш учун боксчилик лицензиясини ҳам олди.
Ҳар икки томон жангга тайёр. Бироқ, спортчиларнинг жангдан оладиган даромади ва ташкилотчилар масаласида бир қатор келишмоқчиликларнинг борлиги супержангга тўсқинлик қилиб турибди.
Конор Макрегор интервью бериб, агар икки жангчи жанг қилишни истаса, промоутеру ташкилотчилар ҳеч қанақасига тўсқинлик қила олмаслигини ва жанг қачон бўлиши мумкинлигини айтди.
- Флойд билан жангимиз шу йилнинг охирида, жуда чўзилса кейинги йилнинг бошида бўлади, - деди Конор Макгрегор. - Агар Флойд бунга кўнмаса, Мэнни Пакьяо билан куч синашаман. Ҳамма мен билан жанг қилишни истайди. Мен эса улар орасидан истаганимни танлаш имконига эгаман.
Флойд Мэйвезер Конорнинг гапларига ўз муносабатини билдирди.
- Мен мухлисларни хушнуд этиш учун рингга қайтадиган бўлсам, фақат Конор билан жанг учун рингга чиқаман, - деди Флойд Мэйвезер. - Бу жангни ташкил этиш ҳаракат қиляпмиз.
Мутахассислар Мэйвезер - Макгрегор жангининг гонорари бир миллиард АҚШ доллари миқдорига етиб боришини тахмин қилмоқда.
Фикрлар