Конор Макгрегор: Мейвезер мендан кучли эмас

 

АҚШнинг Лас-Вегас шаҳридаги T-Mobile аренасида аср жанги сифатида этироф этилган учрашув – UFC’нинг икки вазн тоифасида мутлақ чемпиони Конор Макгрегор ва бокс бўйича 5 карра жаҳон чемпиони Флойд Мейвезер ўртасида жанг бўлиб ўтди.

12 раунддан иборат мазкур жангнинг 10-раундида ирландиялик спортчи бир қатор зарбалар ўтказиб юборди ва рефери жангни тўхтатди. Беллашув техник нокаут билан Мейвезер фойдасига ҳал бўлди ва у фаолиятидаги 50-ғалабани расмийлаштирди.

Жанг тугаганидан кейин Конор Макгрегор бўлиб ўтган беллашувдан кейин қуйидаги фикрларни билдирди.

“Ажойиб жанг, ажойиб рақиб. Мағлуб бўлдим, аммо бу Флойд мендан кучли дегани эмас. Унинг техникаси кучли, маҳорати бор. Мейвезер катта тажрибаси эвазига ғалаба қозонди, холос”, – деди ирландиялик ММА жангчиси.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар