"Ливерпуль" ҳужумчиси АПЛнинг бошқа бир клубига кўчиб ўтиши мумкин

Англиянинг "Ливерпуль" клуби форварди Дивок Ориги фаолиятини "Вулверхэмптон"да давом эттириши мумкин. Бу ҳақда Mirror нашри хабар тарқатмоқда.

Унга кўра 23 ёшли бельгиялик футболчига доимий ўйин амалиёти керак, "Вулверхэмптон" эса маҳоратли ҳужумчига муҳтож. Айнан шуларни инобатга олганда ушбу икки томон ўзаро келишувга эришиши мумкин.

Маълумотларга қараганда Оригининг трансфери қишда амалга ошиши мумкин. Унинг трансфери эса  "Вулверхэмптон"га тахминан 20 млн фунтга тушиши мумкин.