"Manchester Yunayted" etakchi futbolchisi bilan shartnomani uzaytirishga yaqin turibdi

"Manchester Yunayted" klubi tez orada o‘zining ispaniyalik yarim himoyachisi Ander Errera bilan shartnomani uzaytiradi. Bu haqda The Times nashri xabar bermoqda.

Unga ko‘ra mankuanliklar joriy mavsum yakunida shartnomasi yakunlanadigan 29 yoshli futbolchining maoshini sezilarli tarzda oshirishmoqchi. Aytish lozimki, uning ayni damdagi yillik maoshi 4,5 mln evroni tashkil etadi.

Ma’lumot uchun, Errera “Manchester Yunayted” safiga 2014 yil “Atletik” Bilbaodan 36 mln evro evaziga kelib qo‘shilgan edi. U joriy mavsum “qizil iblislar” safida hozircha 10ta o‘yinda maydonga tushdi va o‘z hisobiga 1ta gol hamda 1ta golli uzatma yozdirib qo‘yishga erishdi.