Milan uchun "Barselona" asosiy da’vogar sifatida e’tirof etilmoqda

Milanning "Inter" klubi himoyachisi Milan Shkrinyar "Barselona"ning qiziqishlar doirasiga kirib qoldi. Bu haqda AS nashri xabar bermoqda.

Yuqoridagi manbaaga ko‘ra aynan kataloniyaliklar 23 yoshli slovakiyalik futbolchi uchun kurashda favorit sifatida tilga olinishmoqda.

Eslatib o‘tamiz, Shkrinyarga shuningdek “Manchester Yunayted”dan ham jiddiy qiziqishlar mavjud.

Ma’lumot uchun, Shkrinyar joriy mavsum “neradzurrilar” safida 23ta o‘yinda maydonga tushdi. Transfermarkt talqini bo‘yicha uning narxi 60 mln evroni tashkil etadi.