Мората – Саррининг ҳам “бош оғриғими”?

“Челси” ҳужумчиси Алваро Мората клубга янги бош мураббий келганига қарамай лондонликлар мураббийи, тизими ва ўйин услуби учун катта муаммо бўлиб қолмоқда. Нима учун жамоада қийинчиликка учрамоқда? Қуйида шу ҳақида фикр юритамиз.

Тактик ўзгариш бўлса, бўлмасада, “Челси”нинг мавсумолди тайёргарлик босқичида маълум бўлдики, Алваро Мората клуб ҳаётига мослашиб кетишда ҳамон қийинчиликка учрамоқда.

“Кўклар”нинг рекорд трансфер эгаси ўтган ҳафтани янги туғилган эгизаклари қуршовида ўтказган бўлсада, майдонда гол уришнинг йўлларини топа олмаяпти.

Халқаро Чемпионлар Кубоги доирасида “Арсенал”га қарши учрашувда ҳам испаниялик ҳужумчи бир қатор имкониятларни кўкка совурди. Петр Чехга хатто пеналтидан ҳам гол ура олмади.

Кўпчилик “Реал Мадрид”нинг собиқ футболчиси бу ёзда “Стэмфорд Бридж”ни тарк этишини, унинг ўрнига Маурисио Сарри Гонсало Игуаинни олиб келишини кутган эди.

Бироқ аргентиналик ҳужумчи “Милан”га ижара асосида кўчиб ўтганидан кейин Моратада қолиш йўллари кўрингандек. Боз устига “Марсель” клубнинг бошқа бир захира ҳужумчиси Оливье Жиру учун қизиқиш билдирмоқда. Бироқ трансфер бозори якунланишига бир ҳафта қолганида яхши ҳужумчини топиш қийин. Шунингдек, клубнинг бу мавсумда Чемпионлар Лигасида иштирок этмаслиги топ ҳужумчини имзолашда муаммо туғдиради.

Мората йил давомида атиги икки гол уришга эришди. Шунга қарамай у унга бирон нима бўлмагандек ўзини тутмоқда. Сарри ҳар қандай ҳужумчидан моҳирона фойдалана олиши билан танилган. Бироқ сўнгги ўйинларда ҳужумчининг кўрсатган натижалари Сарри ҳам ҳамкасби Антонио Конте каби қийинчиликка дуч келишини кўрсатмоқда.

Моратанинг гол уриш қобилиятини йўқотиши клубдаги фаолиятида “қора чизиқ” бўлиб қолмоқда. Антонио Рюдигернинг беш дақиқалик ўйинида боши билан гол уриши мумкин, ёки ёш иқтидор эгаси Каллум Хадсон-Одой асосий таркибга ёриб кириши мумкин. Бекорга ўтган мавсумда Европанинг грандлари унга қизиқиш билдирмаган экан.

“Челси” 17 ёшли ҳужумчига беш йиллик шартнома таклиф қилмоқчи. Унинг “Авива Стэдиум”даги кўрсаткичи туфайли Сарри уни асосий таркибга киритиш ниятида.

Хадсон-Одой Эктор Бельеринга қарши кам ўйнаган бўлсада, унинг яратган имкониятлари, пеналтидан урган голи Моратадан анча дуруст ўйин кўрсатгани билан диққатга сазовор.

Яна қаердадир “Челси”нинг янги вакили Жоржиньонинг ажойиб узатмалари “кўклар” таркибига тезроқ мослашиб кетишига замин ҳозирламоқда. “Наполи”нинг собиқ мураббийи тактикалар ўз мевасини эртароқ берадиган кўринади.

“Арсенал” ҳам биринчи бўлимнинг кўп қисмида “Челси”ни доғда қолдиришда қийинчиликка учради. Ўтган ўйинда “тўпчилар” “ПСЖ”ни 5-1 ҳисобида енгиб “Челси”га рўбарў келди ва ҳақиқатдан бу сафар анча қийналди.

Унай Эмери шогирдларида омад келиб-кетиб турди, бироқ Александр Ляказеттнинг ажойиб спорт формасида эканлиги жамоани қутқариб қолмоқда.

“Челси” Ляказетт тимсолида худди шундай ҳужумчига эга бўлишни орзу қилмоқда, бироқ Саррининг сабри ҳали узоқ давом этса керак.

Эркинжон Ғайбуллаев тайёрлади.