O‘zbekiston bokschilari janglarga Xitoyda tayyorlanmoqda
Xitoyning Xebey viloyatida mazkur mamlakat va O‘zbekiston bokschilari ishtirokida maxsus o‘quv-mashg‘ulot yig‘inlari boshlandi.
Xitoyliklar bu mashg‘ulot yig‘iniga mamlakatimizning eng kuchli bokschi qizlarini taklif etgan.
O‘zbekiston boks federatsiyasidan SPORTS.uz axborot portaliga xabar berishlaricha, yig‘inda jami 10 nafar bokschi – Fotima Tursunboeva, Tursunoy Rahimova, Aziza Yoqubova, Rayhona Qodirova, Gulnoza Rahmatova, Yodgoroy Mirzaeva, Maftuna Melieva, Nafisa Asqarova, E’zoza Melieva, Gavhar Mirzaeva ishtirok etmoqda.
Qo‘shma m ashg‘ulotlar jismoniy, texnik va taktik tayyorgarlik bo‘yicha olib borilmoqda.
Bu bokschilarimiz mamlakatimiz terma jamoasi safida jahon va qit’a miqyosidagi musobaqalarda ishtirok etishga tayyorgarlik ko‘rmoqda.
Fikrlar