Ўзига хос Эл-Классико

Каталонияда ўтказиладиган навбатдаги шоу ўзига хос янгиликларга тўла ўтиши кутилмоқда. Масалан:

● Эл-Классикони нисбатан эрта бошланишига қарамай чипталар нархи анча қимматлашгани футболга қизиқишни пасайтирмади

● Ўзига хос тўпнинг майдонда жойлашувини кузатиб борувчи микрофонларни фаоллаштирувчи технология жорий қилинмоқчи

● Месси ва Роналдусиз Классикода ким қаҳрамон бўлади? Бу ҳақиқий жумбоқ

● Мазкур Эл-Классикони ўзига хос яна бир жумбоғи шуки, иккала жамоада ҳам савия жиҳатдан бир бирига яқин мутахасислар ишламоқда. Бири ўта таваккалчи ёки ўзига ҳаддан ташқари ишонгани учунми, ёки ҳали гранд жамоа савиясига тайёр бўлмаган Лопетеги.

Бири бўлса, ротация қилишни суймайдиган, жамоада бир хилликни ёқлайдиган Вальверде. Жамоавий ва жисмоний жиҳатдан устунлик "Барселона"да, лекин жамоа ҳужумкорлиги олдингидек тажовузкор эмас, шунингдек Барселона ҳимояланишда Ла Лигада жуда ёмон ўйнамоқда. Сўнгги турда "Севилья"ни 4-2 ҳисобда маглуб этган бўлсада, дарвоза тўсини ва Тер Штегеннинг қаҳрамонлиги "Барселона" учун қўл келди.

Навбатдаги Эл-Классикода ким ютиши ҳар доимгиданда жумбоқ. Лекин бу сафарги қарама-қаршилик ўйинда нима бўлишидан қатъи назар "қироллик клуби" фойдасига хизмат қилади.

"Реал" мағлуб бўлса, Лопетеги истеъфоси "Реал" учун янги чақирув бўлиши, янги мураббий билан ўзини тиклаб олиши тезлашиши мумкин.

Ўйин "Реал" фойдасига ҳал бўлса, жамоа янада жипслашиши ва кейинги ўйинларда психологик устунликка эришиш имконига эга бўлади.

Мадридликлар қишгача ЕЧЛда қийин гуруҳга тушмагани ҳисобга олинса (клублар ўртасидаги ЖЧ ҳам шу жумладан), клубни у қадар оғир ўйинлар кутаётгани йўқ. Қишки танаффус улар учун олдингидай савияга чиқишлари учун ҳақиқий имконият бўлиши мумкин.