Суперлига якунланганига ҳам анча бўлди. Табиийки футболчи ва мураббийларнинг ҳам жамоа билан тузган шартномалари тугаган ёки декабрнинг охирларида якунланади.
Айни пайтда кўпчиликни қизиқтирган савол - “Пахтакор” Шота Арвеладзе билан шартномасини узайтирадими? Чунки клуб раҳбарияти ўтган йили ёзда грузиялик мутахассис билан 1,5 йиллик шартнома имзоланганди. Бу йил эса томонларнинг ўзаро имзолаган битими тугайди.
Аммо ҳозирча клуб томонидан шартнома узайтирилди ёки Арвеладзе билан келишув якунланди деган хабарлар янграмаяпти. Аммо SPORTS.uz сайтига маълум бўлишича, “Пахтакор” клуби раҳбарияти Арвеладзе билан шартномани узайтирган. Тахминларга кўра бу келишув бир йилга узайтирилган. Аммо клуб бу борада хабар тарқатмади.
Фикрлар