"Пахтакор"нинг кубок ярим финалларидаги натижалари

Ҳозирга қадар Ўзбекистон Кубогида "Пахтакор" 19 марта ярим финалларда иштирок этган.

19 ярим финалнинг 13тасида "Пахтакор" финалга йўлланмани қўлга киритган. Финалларнинг 11тасида муваффақиятга эришилганини эслатиб ўтамиз. 6 марта эса ярим финалларда имконият бой берилган. "Янгиер", "Навбаҳор", "Насаф", "Локомотив" ва икки бор "Бунёдкор"га қарши ўтган ярим финал тўқнашувларида "шерлар" мағлубиятга учрашган.

Охирги марта "Пахтакор" Ўзбекистон Кубоги финалида 2011 йил ўйнаган. Энди етти йиллик нохуш анъанани бузишга 27 сентябрь куни жамоа Қўқонда уриниб кўради.