Қашқадарёлик таэквондочилар сараланди

Қашқадарё вилоятининг Қарши шаҳрида таэквондо WTF бўйича 2002-2004 ва 2005-2007 йилларда туғилган ўсмирлар ва қизлар ўртасила вилоят чемпионати ўтказилди.

Қарши ихтисослаштирилган олимпия заҳирилари мактаб-интернатининг енгил атлетика манежида ўтказилган мазкур мусобақада 150 нафар таэквондочи мазкур спорт турининг кируге ва пумсе йўналишлари бўйича ўзаро рақобатлашди.

Мусобақа якунида ғолиб ва совриндорлар Қашқадарё вилоят жисмоний тарбия ва спорт бошқармаси томонидан диплом ҳамда медал билан тақдирланди.