"Рома"да Алиссоннинг ўрнини эгаллайдиган дарвозабон Римга етиб келди (ФОТО)

Швеция терма жамоаси ҳамда Даниянинг "Копенгаген" клуби дарвозабони Робин Ольсен "Рома" билан шартнома имзолаш учун Римга етиб келди. Бу ҳақда Football Italia нашри хабар бермоқда.

Унга кўра 28 ёшли посбон тиббий кўриклардан муваффақиятли ўтса, “бўрилар” билан шартнома имзолайди. Маълумотларга қараганда унинг трансфери “Рома” учун 12 млн еврога тушади.

Эслатиб ўтамиз, бундан бир неча кун аввал “Рома” ўзининг асосий дарвозабони Алиссон Бекерни “Ливерпул”га рекорд (62,5 млн евро) маблағ эвазига трансфер қилган эди.