Шкриньяр "Интер"дан кўпроқ маош талаб қилмоқда

Миланнинг "Интер" клуби словакиялик ҳимоячи Милан Шкриньяр билан амалдаги шартномани узайтирмоқчи.

Calciomercato нашри тарқатган хабарга кўра 23 ёшли футболчи “нерадзуррилар”дан йилига 3,5 млн евро маош талаб қилмоқда, клуб эса унга 2,7 млн евро таклиф қилмоқда.

Қайд этиш лозимки, Шкриньярнинг “Интер” билан амалдаги шартномаси 2022 йилга қадар имзоланган. Унга айни дамда “Манчестер Юнайтед” клуби жиддий қизиқиш билдирмоқда.

Маълумот учун, Шкриньяр жорий мавсум “Интер” сафида жами 12та ўйинда иштирок этди.