Шунчаки даҳшат! Фаврнинг "Боруссия"сини тўхтатиб бўлмаяпти

Хабарингиз бор кеча УЕФА Чемпионлар лигасининг гуруҳ босқич 3-тур учрашувлари ўз ниҳоясига етди. Дортмунднинг “Боруссия” клуби шу куни ўз майдонида “Атлетико”ни қабул қилди ва рақиб дарвозасига жавобсиз 4та тўп йўллаб ғалаба қозонди.

Эътиборлиси, Люсьен Фавр бошчилигидаги жамоа шу тариқа мавсумдаги 12-ўйинда ҳам мағлубиятга учрамади. Уларнинг 10тасида ғалаба қозонган бўлса, яна 2тасида дуранг ўйнади. Дортмундлик футболчилар ушбу ўйинларда рақиблари дарвозасига жами 37та гол уришга эришишди ва ўз дарвозаларидан бор йўғи 4та гол ўтказиб юборишди.

Эслатиб ўтамиз, Фавр “Боруссия”ни мавсум бошида ўз қўлига олган эди.