Витселнинг агенти у нега айнан "Боруссия"ни танлаганини айтди

Куни кеча "Боруссия" Дортмунд билан шартнома имзолаган бельгиялик ярим ҳимоячи Аксель Витселнинг агенти Пол Стефани мижози нега айнан ушбу клубни танлагани ҳақида гапириб ўтди.

“Унга шунингдек "Манчестер Юнайтед" ва "Наполи" клублари ҳам таклиф билан чиқишган эди. Лекин мен Акселга айтдимки, агар у “Боруссия”га ўтса, у ерда биринчи рақамли футболчига айланиши мумкин. Юқоридаги икки клубдан бирини танласа унда бундай имконият бўлмаслигини тушунтирдим”, - дейди агент.

Эслатиб ўтамиз, 29 ёшли Витсель “Боруссия” Дортмунд сафига 20 млн евро эвазига Хитойнинг "Тяньцзинь Цюаньцзянь" клубидан кўчиб ўтди.