А Серия. "Лацио" "Милан" устидан йирик ҳисобда ғалаба қозонди

"Милан" А Сериянинг 19-турида "Лацио" майдонига сафар қилди. Ўйин "бургутлар"нинг йирик 4:0 ҳисобидаги ғалабаси билан якунланди.

Дастлаб, Милинкович-Савич 4-дақиқада ҳисобни очди. Тайм сўнггида мезбонлар яна гол урди. 67-дақиқада Альберто пенальтидан унумли фойдаланиб, ҳисобни йириклаштирди. 75-дақиқада Андерсон ҳам  ўз номига битта гол ёздириб қўйди.

Шу тариқа, "Лацио" турнир жадвалида 3-ўринга кўтарилиб олди. "Милан" эса 2-поғонада бормоқда. Икки клуб ўртасида бир очколик фарқ мавжуд.