А Серия. "Наполи" "Милан"га қарши ўйинда камбек эвазига дуранг ўйнади, Жирудан дубль!

Италия А Сериясининг 10-туридан ўрин олган "Наполи" - "Милан" баҳси бўлиб ўтди. Унда томонлар жанговор 2:2 ҳисобидаги дурангга имзо чекди.

Дастлаб, Милан жамоасининг икки голи Жиру (дубль) номига қайд этилди. Сўнг неаполликлар сафида Политано ва Распадори голларга муаллифлик қилди ва 0:2 ҳисобида ортда бораётган жамоалари учун мувозанатни тиклаб берди. 

Шу тариқа, "Наполи" 1 очкони қўлга киритиб, 18 очко билан 4-ўринда қолди. "Милан" 22 очко тўплаган ҳолда 3-ўринни банд этган.