А Серия. "Рома" иродали ғалабага эришди. Шомуродовдан ассист!

Италия А Сериясининг 3-туридан ўрин олган "Рома" ҳамда "Сассуоло" жамоалари ўртасидаги баҳс бўлиб ўтди. Мазкур учрашувда майдон эгалари 2:1 ҳисобида иродали ғалабага эришди. 

Легионеримиз Элдор Шомуродов баҳсни захира ўриндиғида бошлади. Учрашувнинг 74-дақиқасида Моуриньо Заньиоло ўрнига ўзбекистонлик ҳужумчини туширди. Шомуродов "бўрилар"нинг иккинчи голига ассистентлик қилди. 

"Рома" ушбу ғалабадан кейин очколар сонини 9тага етказиб олди ва турнир жадвалида пешқадамга айланди.

• 90+3'
  

  Учрашув якунланди. Шомуродов ассист амалга оширган баҳсда "Рома" муҳим 3 очкони қўлга киритди.

• 90+3'
  

  Йўқ! Ҳакам офсайд сабабли Скамакканинг голини бекор қилди. 

• 90+2'
  

  ГООООООЛ! Скамакка ҳисобни тенглаштирди. Қандай якун!

• 90+1'
  

  ГОООООООООЛ!  Стефан Эл-Шаарави "Рома"ни олдинга олиб чиқди. Шомуродовдан ассист

• 90'
  

  Учрашувга 3 дақиқа қўшиб берилди

• 88'

  ЭЛДООООР! Шомуродов жарима майдони ичидан дарвозанинг чап бурчагига зарба йўллади, афсуски посбон чиройли сейв ижро этди

• 85'

  Дарвоза тўсини "Рома"ни голдан қутқарди. Сўнгги дақиқаларда меҳмонлар анча фаоллашди

• 82'

  Қанотдан узатилган тўпни Эл-Шаарави дарвозага тўғрилай олмади

• 81'

  Қандай вазияяяяят?! Переснинг зарбасини дарвозабон қайтарди. Қайтган тўпга эса Шомуродов зарба бера олмади

• 80'

  Шомуродовга узатилган пасни дарвозабон баланд сакраб эгаллаб олди

• 78'
  

  СЕЕЕЕЕЙВ! "Сассуоло" тезкор қарши ҳужум уюштирди. Бога Патрисиунинг оёқлари орасидан тўпни ўтказмоқчи бўлди. Дарвозабондан ажойиб сейв

• 74'

  Моуриньо Абрахам ва Шомуродовни тандемда синаб кўрмоқчи

• 74'
  

  "Рома"да иккита ўзгариш бўлади. Верету ва Заньоло майдонни тарк этди. Улар ўрнига Перес ҳамда Шомуродов тушди

• 73'

  Пеллегрини икки рақибини осонликча ортда қолдириб, дарвоза томон зарба йўллади. Бироз ноаниқ

• 71'
  

  "Рома"да ўзгариш: Михитарян ўрнига Стефан Эл-Шаарфҳави туширилди

• 70'

  ВУУУУҲ! Патрисиу жамоасини муқарар голдан қутқарди. Рақиб футболчиси яқин масофадан зарба йўллади, Руи тўпни майдон ташқарисига чиқариб юборди

• 68'

  Берарди бир ҳимоячини ортда қолдириб, сап оёқда зарба йўллади. Ноаниқ

• 67'
  

  Бу сафар Богани йиқитишди. Ҳужумга ўтаётган Жеремини тўхтатгани учун Кристанте огоҳлантирилди

• 64'

  Жереми Бога ҳужумда фол ишлатди

• 62'

  Абрахам жарима майдони ичида очилаётган Пеллегринига тўпни қолдирди. Унинг зарбаси ҳимоячига тегиб майдон ташқарисига чиқиб кетди

• 60'

  "Рома"дан тезкор қарши ҳужум. Аввалига Пеллегрининг зарбасини дарвозабон қайтарди, Қайтган тўпга Абарахам ноаниқ зарба берди

• 58'
  

  ГООООООООООООЛ! "Сассуоло" ҳисобни теглаштирди. Ҳа, бу сафар гол инобатга олинади. Берардининг узатмасидан сўнг Филип Журжович дарвозани  ишғол қилди

• 56'

  Скамакканинг зарбасини дарвозабон майдон ташқарисига чиқариб юборди. "Сассуоло" ҳисобни тенглаштириш учун олдинга ўтмоқда

• 51'

  Фратезининг жарима майдони ичидан йўллаган зарбаси тўғри дарвоза марказига борди. Руи буни қийинчиликсиз эгаллаб олди

• 49'

  Марко Феррарининг бош билан йўллаган зарбаси дарвозанинг ёнгинасидан ўтиб кетди

• 48'

  Скамакка жарима майдонига тўпни узатди, лекин ҳимоячилар уни узоқлаштирди

• 46'
  

  "Сассуоло"да ўзгариш бўлади. Майдонга Распадори ўрнига Жанлука Скамакка туширилди

• 46'
  

  Иккинчи тайм бошланди

• 45'
  

  Биринчи бўлим якунланди. Ҳозирча "Рома" 1:0 ҳисобида олдинда

• 44'

  Берарди кераксиз жойда қоида бузди

• 43'
  

  Рожер Ибанец огоҳлантирилди

• 42'

  Доменико Берарди яхши узатмани қабул қилиб, олди зарба ҳам ёмон чиқмади, лекин ҳимоячилар қайтарди

• 39'

  Тэмми ўйинни давом эттира олади

• 38'
  

  Абрахам майдон марказида оёғини қайириб олди. Ўзгариш бўлиши мумкин

• 37'
  

  ГООООООООООООООООООООЛ! Пелегрини стандарт вазиятдан жарима майдони ичига охиста пас берди. Кристанте эса тўпни  дарвоза жойлаб қўйди

• 35'
  

  Абархамни тўхтатиб қолган Влад Кирикеш огоҳлантирилди

• 35'
  

  "Сассуоло" футболчиси чап қанотдан тўпни жарима майдонига узатган эди, лекин жамоадошлари ўйиндан ташқари ҳолатда деб топилди

• 34'

  ЗАРБАА! Абрахам дарвозанинг чап бурчагини нишонга олмоқчи бўлди, бироз аниқлик етишмади

• 31'

  Рик Карсдорп ҳужумга ўтганди, лекин ҳимоячилар уни тўпсизлантирди. "Сассуоло" ҳимоячи бугун ишончли ўйнамоқда

• 26'
  

  Берарди учрашувда ҳисобни очганди, аммо унинг голи офсайд сабабли ҳисобга олинмади. 

• 23'

  Ажойиб имконият! Филип Джуричичнинг зарбаси дарвозанинг ённидан бориб тўрга тегди. 

• 21'

  "Сассуоло" футболчилари чиройли ҳужум ташкил қилди, бироқ якунда Берардининг зарбасига аниқлик етишмади

• 18'

  "Рома"да яхши имконият бўлиши мумкин эди, лекин "Бўрилар" футболчиси ўйиндан ташқари ҳолатда қолиб кетди

• 16'

  Доменико Берарди тўпни қабул қилиб олди ва ерлатиб зарба йўллади. Бу Патрисиуга қийинчилик туғдирмади

• 12'

  Заньоло ҳужум чизиғидаги жамоадошларига тўпни узатлди, бироқ яна ҳимочилар тўпни эгаллаб олди.

• 9'

  Мхитарян юқорилатиб жарима майдонига пас берди, лекин ҳимоячи тўпни қайтарди

• 5'
  

  Бурчак зарбасидан сўнг Манчини бош билан дарвоза томон зарба йўллади, ноаниқ

• 4'

  Заньоло рейд амалга оширди, бироқ зарба бериш позициясига чиқа олмади. Ҳимоячилар ишончли ҳаракат қилди

• 1'

  Дастлабки дақиқаданоқ "Рома" олдинга ўтди. Абарахамнинг зарбасини рақиб посбони ушлаб олди

• 1'
  

  Учрашувга старт берилди. Тўпни "Рома" футболчилари ўйинга киритади.

• 0'

  Жамоалар майдонга чиқиб келишди

• 0'

  Ассалому алайкум қадрли футбол мухлислари. Бироздан сўнг "Рома" ва "Сассуоло" жамоалари ўртасидаги ўйин старт олади. Шомуродов бугунги баҳсни захира ўриндиғида бошлайди.