А Сериясидаги икки клуб Кьезага қизиқмоқда

2021 йилда Италия терма жамоаси таркибида Европа чемпиони бўлган Федерико Кьеза яна  А Серияга қайтиши мумкин.
 

Caught Offside нашрининг ёзишича, 28 ёшли «Ливерпуль» ҳужумчисига ўтган мавсум якунига кўра Чемпионлар лигасига йўл олган икки клуб – «Наполи» ва «Комо» жиддий қизиқиш билдирмоқда.

Маълумотларга кўра, англияликлар италиялик ҳамкасбларига Кьезани 20 миллион евро эвазига сотишга тайёр эканини етказган. «Наполи» ва «Комо» эса дастлаб футболчини ижарага олиш вариантларини кўриб чиққан, шу боис ҳозирча қарорни кечиктириб, вазиятни ўрганиш учун вақт олган. Кутилганидек, музокаралар кейинроқ давом эттирилиши мумкин.
 

Федерико Кьеза 2024 йил ёзида «Ювентус»дан «Ливерпул»га ўтганди. Бироқ у ерда икки мавсум давомида бор-йўғи 50 ўйинда майдонга тушиб, 5 та гол ва 5 та голли узатма билан чекланди.