Аббосбек Файзуллаев: Ёмон алам қилди!
Нима сабабдан ғалаба мағлубиятга айланиб кетди?
Ўзбекистон миллий терма жамоасининг энг машҳур футболчиларидан ҳисобланган Аббосбек Файзуллаев ўйиндан сўнг жамоаси бутун баҳс давомида ҳаракат қилгани ва россияликларга муносиб қаршилик кўрсатганини таъкидлади.
- Жуда қийин ўйин бўлди, рақиб ҳам осон эмас эди. Майдонда охиригача курашдик. Ўйлайманки, ўйин томошабинларга ёқди.
Лекин охирида барибир учта гол ўтказиб юбордик. Албатта, ана шуниси жуда аламли, - деди Аббосбек файзуллаев.
Россия терма жамоаси ярим ҳимоячиси Иван Обляков ҳам Тошкентда ўтказилган ўйин бўйича ўз фикрларини билдирди. Бу футболчи ЦСКАда Аббосбек Файзуллаев билан бирга ўйнагани билан ўзбекистонлик футбол ишқибозларига яхши таниш.
- Биринчи голни бурчак зарбасидан ўтказиб юбордик, иккинчиси эса майдондаги келишмовчилик ва тушунмовчилик оқибатида киритилди.
Ўйиннинг ўзи эса асосан бизнинг назоратимизда бўлди. Голларни анча олдинроқ урганимизда эди, ўйин бошқача кечарди.
Ўзбекистон кучли рақиб, жаҳон чемпионатида ҳам иштирок этган. Жуда мароқли ўйин бўлди. Танаффусда мураббий нима деди, дейсизми? Интенсивликни оширишимиз кераклигини таъкидлади, — деди Обляков.
Эслатиб ўтамиз, Тошкентдаги беллашув Россия терма жамоасининг 3:2 ҳисобидаги ғалабаси билан якунланди. Ўзбекистон 2:0 ҳисобида олдинда бораётган эди, аммо Николай Комличенко томонидан урилган икки гол ва Алексей Миранчукнинг аниқ зарбаси меҳмонларга ғалаба келтирди.
Изоҳлар (0)