Абдуқодир Ҳусанов "Челси"га қарши дебют ўйинидаги хатоси ҳақида фикр билдирди.

Ўзбекистонлик ҳимоячи ўтган йил январь ойида "Манчестер Сити" сафига қўшилиб, АПЛда тўп тепган илк ўзбекистонлик футболчига айланган эди.

Дастлабки учрашувда у "Челси"га қарши бироз ҳаяжон ва тил билан боғлиқ қийинчиликлар сабаб муаммоларга дуч келган бўлса-да, шундан сўнг деярли хатоларга йўл қўймади. Футболчининг ўзи ушбу ўйин ҳақида шундай деди:

"Мен хотиржам бўлишга ҳаракат қилдим. Ўша ўйиндан олдин бир ойдан ортиқ ўйнамагандим ва жамоа билан атиги битта машғулот ўтказгандим. Бу, албатта, таъсир қилган", — деди Ҳусанов.

Маълумот учун, 22 ёшли ҳимоячи "шаҳарликлар" сафида март ойининг энг яхши футболчиси деб топилди.