Абрахам бугун дебют қиладими? Моуриньо жавоб берди

“Рома” бош мураббийи Жозе Моуриньо жамоанинг энг қиммат футболчиси Тэмми Абрахам дебюти ҳақидаги саволга жавоб қайтарди.

- Тэмми А Серия биринчи тури қайдномасига киритилади. Тэмми ҳозирча фақат индивидуал тарзда шуғулланмоқда. Шунга қарамай, жисмонан ўйинга тайёр, - деди Жозе Моуриньо.

Хабарингиз бор, римликлар англиялик ҳужумчи учун “Челси”га 40 миллион евро тўлади. Абрахам “Интер”га ўтиб кетган Эдин Жеко ўрнини эгаллаши кутилмоқда.

“Рома” ва “Фиорентина” учрашуви 22 август куни соат Тошкент вақти билан 23:45 да бошланади.