Африка Миллатлар кубогининг чемпиони маълум

Африка Миллатлар кубоги якунига етди.

Марокаш яшил майдонлари мезбонлик қилган Африка Миллатлар кубогининг финал учрашуви якунига етди. Якуний учрашувда мезбон Марокаш ҳамда Сенегал терма жамоалари майдонга чиқди. Ҳар икки терма жамоа ҳам ўз тарихларида 1 мартадан қитъа чемпионлигини қўлга киритган. Шу сабабдан ҳам чемпионлик кураши қизғин ўтиши табиий эди. Учрашувнинг асосий вақтига қўшиб берилган 8-дақиқада бош ҳакам Сенегал дарвозасига пенальти белгилади. Ушбу вазиятдан норози бўлган Сенагал терма жамоаси устози шогирдларига майдонни тарк этишни буюрди. Футболчилар ўйинни давом эттиришдан бош тортиб майдонни тарк этди. Бироқ жамоа етакчиси Садио Мане жамоадошларини қайта майдонга олиб чиқди. 11 метрли жарима зарбасини амалга ошириш учун тўп олдига келган Браим Диаз тепган тўпни Сенегал посбони Эдуард Менди бартараф этиб, ўйинни қўшимча бўлимларга олиб ўтди. Қўшимча бўлимларнинг 4-дақиқасида Папе Гейе гол уриб Сенегални ҳисобда олдинга олиб чиқди. Ўйин якунига қадар ҳисоб бошқа ўзгармади ва Сенегал ўз тарихида иккинчи бор Африка Миллатлар кубоги чемпионига айланди.